Liverpool FC Indeksi -

Portieri i Liverpoolit, Jose Reina ka pranuar se është duke u përgatitur
për penallti para ndeshjes së dytë gjysmëfinale të Ligës së
Kampionëve, të mërkurën, kundër Chelseas në Stamford Bridge. Derisa ërballja është e balancuar në rezultatin 1-1, një barazim i tillë do
ta dërgojë ndeshjen në lojën shtesë dhe me mundësi të ekzekutimit të
penalltive. "Më pëlqen të përgatitem për penallti, nëse ndeshja
mbërrin deri atje dhe shpresoj se kjo mund të krijojë probleme
psikologjike për Chelsean", tha Reina. Në përballjen gjysmëfinale të vitit të kaluar, Liverpool eliminoi Chelsean pikërisht me penallti

Gerrard: Stamford Bridge problem i vogël

Kapiteni i Liverpoolit, Steven Gerrard, ka besim të plotë se skuadra e tij do të jetë pjesëmarrëse në finalen e tretë në Ligën e Kampionëve, vetëm brenda katër vitesh.
Për dallim nga skuadrat tjera Reds-at kanë dëshmuar se ata nuk ndikohen nga presioni i Ligës së Kampionëve, dhe Gerard është i bindur se Anfieldi do ta çorientojë shumë më tepër Chelsean sesa do të ndikojë Stamford Bridge te Liverpooli.

“Kam shumë besim se ne do të bëjmë çka është e nevojshme brenda 180 minutave për të marrë pjesë në një tjetër finale. Kjo skuadër as në minutën e fundit nuk pranon se ka humbur. Disa skuadra dorëzohen në një moment kur gjërat vështirësohen, por kjo nuk na ndodh neve. Ne do të luftojmë deri në fund edhe në Anfield edhe në fushën e tyre”, ka thënë mesfushori anglez.